දිනවිය යුතු ජනාධිපති අපේක්ෂකයා ගැන ඥානසාර හිමි කියති

2015දී ආණ්ඩු පෙරලිය වන විට ලෝකයම භීතියට පත්කරන අන්තවාදී මත දරන ත්‍රස්තකල්ලි නියෝජනය කරන පුද්ගලයන් යහපාලනය ගෙනෙන්න උදව් කල බවත් ඒ බව තමන් වහන්සේ එම දිනවල හෙළි කල බවත් පුජ්‍ය ගලගොඩඅත්තේ ඥානසාර හිමි ඊයේ (27) කෑගල්ල වට්ටාරම රජමහා විහාරයේ පැවති බොදු සමුළුවක් අමතමින් සඳහන් කර සිටිනවා.

යහපාලනය ගෙනත් එයින් දේශපාලන බලය ලබාගෙන එක දවසින් මුළු රටේම ආර්ථිකය බිඳ වැට්ටු බවත් මරාගෙන මැරෙන ප්‍රහාර එල්ල කිරීම සඳහා ඉස්ලාමික අන්තවාදී බලවේග දුර්වල ආණ්ඩුවක් තෙරු බවත් ඒ දුර්වල ආණ්ඩුව ත්‍රස්තකල්ලි පෝෂණය කර ඔවුන්ට ඔනෑ විදිහට වැඩෙන්න ඉඩ දුන් බවත් එහි අවසාන ප්‍රතිපලය ලෙස පුදබිමක මිනිස් ජිවිත 300 කට ආසන්න ප්‍රමාණයක් අහිමි වූ බවත් උන්වහන්සේ පෙන්වා දුන්නා.

2015 යහපාලනය ගෙන එන්න වැඩ කල කල්ලි කණ්ඩායම් මේ වතාවෙත් ජනාධිපතිවරණයට උදව් කරමින් සිටින බවත් ඔවුන් බලයට පැමිණියහොත් කොහොම තියේවිද? යැයි ඥානසාර හිමි මෙහිදී ප්‍රශ්න කර සිටියහ.

“පාරවල් දෙකක් පෙන්නන්න පුළුවන්. මිනිසුන්ට ආදරයෙන් අපි කියනවා එක පාරක් කාපට් දාලා ඇති. ගැස්සෙන්නේ නැතුව යන්න පුළුවන් ඇති. හැබැයි ඒ පාරේ කොටි ඉන්න බව මතක තියා ගන්න. ඒ පාරේ විෂඝෝර සර්පයෝ ඉන්න බව මතක තියා ගන්න. ඒ බව අපි දැක්කා උතුරට ගියහම. ටිකක් අමාරුවෙන් හරි සර්ප බිය නැති කෙලින් පාරේ යන්න. කොටි බිය නැති පාරේ යන්න. ඒක තොර ගන්න.” යැයි උන්වහන්සේ වැඩිදුරටත් සඳහන් කර සිටියා.

SRI LANKA WEATHER
nilusTV is basically the king of free online TV in the Sri Lanka. You can catch most top shows on there. also you can watch nilusTV Online for free! Watch all the top new Movies , Teledramas , Gossips and enjoy free Online nilusTV!


Copyright © 2011 - All Rights Reserved Nilus Creation
Created by