නිදහස් දා අලගල්ල කන්ද මුදුණට

0
96

[ad_1]

ඔබ දිනක උඩරට දුම්රිය මග ඔස්සේ නුවර ගොස් ඇත්නම් රඹුක්කන දුම්රිය ස්ථානය පසුකරයත් ඔබේ වම් පසින් අලංකාර කඳු වැටියක් දිස්වෙයි . දුම්රිය මග අහුරා යෝධයෙකු සේ නැගී සිටින මේ මනරම් කන්ද අලගල්ල කන්ද සේ හදුන්වයි . අලට කන්න බැරි අලගල්ලේ කන්ද සේ එදා ජන කවියාගේ ඇසට ලක් වූයේ ද මේ කන්ද යි . 

එදා නුවර ගිය යකඩ යකා නුවරට ඇදුණේ මේ අලගල්ල කන්ද පාමුලින් පටන් ගෙන හිමිහිට කන්ද හරහා යමින් කඩුගන්නාවට සේන්දු වෙමිනි . අලගල්ල කන්ද මුදුන් දෙකකින් සමන්විත අතර එකක් අලගල්ල සිංහ ගල මුදුණ ලෙසද අනෙක් මුදුණ පූජා ගල ලෙසද අද ව්‍යවහාරයට ගැනේ . 

 

මෙහි උසම මුදුනත මුහුදු මට්ටමේ සිට මිටර් 1140 ක් වන බව පැවසේ . අලගල්ල ගැන පුරා වෘත්තයක් ද වෙයි . සුදු පාලන සමයක් පසු කර අපට නිදහස ලැබෙන පුවතක් කන්ද උඩරට රැව් දෙන්නට විය . මෙය උඩරට ගැමියාට අමුතු අද්දැකීමක් ම විය . නිදහස ලැබෙන දින දා කොළඹ මොනවද වෙන්නේ දැකගන්නට එදා ගැමියෝ මේ කන්ද මුදුනට එක්රොක් වූහ . දවසම එහි ගතකර හවස් යාමයේ කන්ද බසින ගැමියන්ගෙන් තොරතුරු ගන්නට බොහෝ පිරිස් එක් වූහ . 

දුටු යමක් නොවුවත් කන්ද මුදුනක සිට හාත්පස දැකීමේ චිත්තප්‍රීතියෙන් සිටි කන්ද තරණය කර ගැමියන් කිව්වේ ඒක දැකගන්න නං කන්දටම නගින්න ඕනෑ බවයි . 

එදා සිට සෑම නිදහස් දවසකම නුවර අවට බොහෝ පිරිස් මෙන්ම කඳු නගින්නෝ ද විනෝදය තකා මේ කන්ද තරණය චාරිත්‍රයක් සේ කරති . එය මහත් විනෝද ජනක ක්‍රියාවකි . ආධුනික කඳු නගින්නන්ට අත් පොත් තැබීමට ද හොද ස්ථානයකි . 

 

මේ කන්ද තරණය කරන්නට ඇති පහසුම මග වන්නේ දුම්රියෙන් ඉහළකෝට්ටේ දුම්රිය ස්ථානයට පැමිණිමයි . කොළඹ සිට පැය දෙකකින් දුම්රිය ඔස්සේ මෙතැනට ළගා විය හැකි ය . ඉහළ කෝට්ටේ දුම්රිය ස්ථානයේ වේදිකාවේ කෙළවරින් වම් පසට ඇති පඩි පේළිය ඔස්සේ ගමන් කිරීමෙන් කන්දට යන මාර්ගයට පිවිසිය හැකි ය . එම මාවතේ කිලෝ මීටර් තුනක් විතර පැමිණෙන විට අලගල්ල තේ කර්මාන්ත ශාලාව හමුවේ . එතැනින් හැරී ඇති පටු මාර්ගයේ ගමන්කොට වනපෙතට පිවිසීමෙන් අලගල්ල මුදුනට ළඟාවිය හැකිය . කන්ද මුදුනේ අමුතුම දුර්ගයකි . එය සිංහ කට ලෙස හැදින් වේ. සිංහ කට ඔස්සේ ඉහළට නැගීමෙන් මෙහි මුදුනටම ඔබට පිවිසිය හැකි ය . 

මේ මුදුනට දුර ඇතින් කොලොම් පුරයද අහල පහළ ඇති උතුවන්කන්ද බතලේගල කන්ද ඌරාකන්ද ඉතා සුන්දරව දැක ගත හැකිය . අලගල්ල මුදුනේ සිට ඇති කටුසු කොන්ද නම් ස්ථානය ඔස්සේ ගමන් කර මෙහි අනිත් මුදුනත වූ පූජාගල කන්ද මුදුනටද පිවිසිය හැකි ය . 

 

ආධුනික කඳු නගින්නකුට වුව මේ දුර පැය තුන හමාරකින් පමණ තරණය කර හැකි ය . ඔබ පූජාගල කන්ද මුදුනටත් පිවිසිය හොත් පහළට ඒමේදී ගිය මග ම නොපැමිණ නැවත අලුත් මාවතක් ඔස්සේ ගංගොඩ දුම්රිය ස්ථානයට පැමිණිය හැකිය . ගංගොඩ යනු ඉහළකෝට්ටේ දුම්රිය ස්ථානයට කලින් හමුවන දුම්රිය ස්ථානයයි . එක් දින චාරිකාවකට කදිම ආශ්වාදනිය අද්දැකීමක් ගන්නට යමු අලගල්ල තරණය කරන්නට .

 

[ad_2]

Source link

Leave a reply